Disa këshilla seksuale për të rinjtë

Këtu më poshtë po rreshtoj disa këshilla seksuale që çdo i ri dhe e re duhet t'i ketë parasysh, po qe se dëshiron që marrëdhënia seksuale të jetë kënaqësi dhe jo dëshpërim, jo dhimbje, jo vuajtje shpirtërore dhe fizike. 1-Një vajzë që është nën moshën 15-vjeçare dhe nuk ka filluar të bëjë seks me djem, duhet ta dijë ajo dhe të gjitha shoqet dhe shokët e saj, se ajo është një vajzë plotësisht normale. Kështu, si ajo, janë shumica e shoqeve të saj.

2-Djali që ndjen ndrojtje, kur është fjala për të bërë seks, nuk duhet ta detyrojë veten që të fillojë të bëjë seks. Disa djem presin deri sa të martohen. Koha më e mirë që dy të rinj duhet të fillojnë të bëjnë seks, është kur të dy, djali dhe vajza, ndjejnë se janë gati për të filluar marrëdhëniet seksuale. Kjo do të thotë:
• Se ata ndjejnë që janë të rritur sa duhet
• Se janë të pavarur sa duhet,
• Se janë, aq sa duhet, përgjegjës për veprimet që kryejnë
• Se me të vërtetë dëshirojnë të afrohen seksualisht me njëri-tjetrin.

3- Vajzë, mos u përpiq t'i rritësh gjinjtë e tu. Në vend që të përpiqesh të rritësh gjinjtë, përpiqu të rritësh mendjen tënde. Kupto se të gjitha llojet e gjinjve, pavarësisht nga ndryshimet në dukjen e tyre, duhet të respektohen e të nderohen.

Të gjitha sojet e gjinjve janë të bukura, kur ato i shohin sy të ditur. Qëndro larg biznesit të kirurgjisë së gjinjve. Ti nuk je majmun, që të bësh eksperimente me trupin tënd. Ky biznes, po e fillove, do të kthehet në një tmerr pafund për ty.

4-Djalë, penisi yt është aq sa duhet i madh. Kur të forcohet herën tjetër penisi, qëndro para një pasqyre të madhe. Shikoje të gjithë trupin tënd lakuriq. Tani penisi yt do të duket shumë më i madh. Madhësia e penisit, ashtu si edhe madhësia e gjinjve, janë dy gjëra për të cilat njerëzit bëhen "budallenj". Mbi të gjitha, ju duhet të dini, se dimensionet e penisit dhe të gjinjve nuk kanë shumë lidhje me të vërtetat për seksin.

5-Vajzë, Po qe se ti e do shokun tënd, por nuk dëshiron të bësh seks me të tani, thuaja atij të dyja këto. Tregoji që e do dhe tregoji se nuk dëshiron të bësh seks me të tani. Thuaj atij se ti e di që ai dëshiron të bëjë seks me ty, por në qoftë se ai të do, duhet të kuptojë se ti nuk je gati për seks. Seksi nën presion është seks i keq, është përdhunim.

6-Vajzë, po qe se gëlltit spermën, kur jeni duke bërë seks oral, mos ki frikë se do të mbetesh shtatzënë. Pa hyrë disa spermatozoide të djalit në vaginën tënde, ti nuk mbetesh shtatzënë. Sistemi i tretjes dhe ai riprodhues, janë dy sisteme që nuk lidhen me asnjë rrugë.

7-Shumë të rinj sillen si "çamarrokë seksualë". Ata manifestojnë sjellje homoseksuale dhe heteroseksuale, herë si gay, ose si lezbike dhe herë si të drejtë. Veç sjelljes çamarroke, këtu nuk ka asgjë tjetër.

E përsëris, ka vetëm të rinj çamarrokë, që vërtiten rreth jush. Të rinjtë mësojnë për identitetin e tyre seksual, homoseksual ose normal, nga eksperienca e tyre, jo nga ç'u thonë të tjerët. Më në fund, duhet të dini se përvoja homoseksuale, ashtu si edhe përvoja heteroseksuale, nuk kanë shenja të jashtme në trupin dhe në sjelljen e të rinjve.

8-Vajza, në qoftë se nuk doni të ngeleni shtatzëna, mos bëni seks të pambrojtur. Ose seks të mbrojtur, ose hiç seks. Ky është një rregull i thjeshtë, që unë e kam përsëritur shpesh dhe që mbahet mënd lehtë.

9-Djalë, po qe se shoqja jote të detyron që të bësh seks me të dhe të thotë që je homoseksual, ngaqë nuk do të bësh seks, në këtë rast, do të bëje mirë t'ia mbathje prej kësaj marrëdhënieje. Kërko, menjëherë, një shoqe tjetër, që të ndjejë për seksin ashtu si edhe ti.

10-Shokët dhe shoqet që tallen me ju sepse ju jeni të virgjër, nuk janë shokë dhe shoqe të mira. Kërkoni të zini shokë të tjerë më të mirë.

11-Mos bëni seks vetëm nga kurioziteti, ose për të mësuar ç'është seksi. Që të mësoni ç'është seksi, lexoni libra për seksin. Të bësh seks për të mësuar dhe eksperimentuar me trupin tënd, nuk është mirë. Kjo është mënyra që të mëson më pak lidhur me seksin. Me këtë mënyrë, do të mësoni më shumë për lëndimet e rënda të zemrës, ose për shumë shqetësime të tjera.

Zgjidhini librat që do të mësoni. Mos mësoni nga materialet pornografike, mos mësoni nga ata që thonë se kanë eksperiencë seksuale të madhe, por nuk dinë as fiziologjinë, as anatominë, as mbrojtjen prej shtatzënisë dhe sëmundjeve seksualisht të transmetueshme.

12- Djalë, nxjerrja e penisit nga vagina përpara ejakulacionit, është mënyra më e keqe e kontracepsionit.

Penisi juaj i erektuar sekreton një lëng përpara se ju të ejakuloni. Kjo pikë lëngu është e mbushur me spermatozoide të gjalla, që mund ta lënë vajzën shtatzënë. Përveç kësaj, djemtë e rinj nuk janë në gjendje të kuptojnë se kur do të ejakulojnë dhe shpesh nuk e kontrollojnë dot prishjen.

13-Vajza, ju do të mbeteni shtatzëna kur sperma do të derdhet në vaginën tuaj. Kjo është gjithçka që duhet, që një vajzë të mbetet shtatzënë. Kënaqeni ose nuk kënaqeni nga seksi, kjo nuk ka të bëjë fare me mbetjen shtatzënë.

14-Vajzë, të bësh interkursë seksuale në këmbë, nuk besoj se është gjë e këndshme. Por duhet të dish se, ndryshe nga ç'mendojnë shumë njerëz, shtatzënë mund të ngelësh edhe duke bërë seks në këmbë.

15-Kondomet janë mbrojtja më e mirë nga shtatzënia dhe infeksionet seksualisht të transmetueshme. Kondomet të kombinuara më pomada spermicide, janë mënyra më e mirë për seksin e sigurt, edhe pse nuk janë qind për qind të sigurta. Mos bëni seks me shumë partnerë seksualë, sepse kjo është me rreziqe.

Ta njohësh mirë partnerin tënd seksual dhe të mos bësh seks të rastësishëm, janë mënyrat më të mira për t'u mbrojtur nga sëmundjet seksualisht të transmetueshme, në këtë numër edhe nga HIV/AIDS. Mos u besoni gënjeshtrave të gazetave për seks me shumë partnerë.

16-Kur një djalë, ose një burrë, ka një ereksion të fortë dhe nuk ejakulon, ai mund të ketë dhimbje në testikujt. Për një moment, testikujt e tij mund të ndryshojnë edhe ngjyrën. Kjo situatë kalon shpejt dhe djalit nuk i bëhet ndonjë dëm. Ju duhet të dini se kur një djalë në këtë situatë, i thotë shoqes së tij: "më lejo të bëj seks, ndryshe do të shkatërrohem!" kërkon vetëm të mashtrojë vajzën.

17- Të rinj, ju do të bëni seks, madje, seks të mirë, vetëm, atëherë kur ju keni dëshirë të bëni seks dhe kur bashkë me ju është edhe dikush tjetër që dëshiron të bëjë seks me ju. Kurrë mos mendoni dhe mos thoni duhet të bëjmë seks, gjithmonë të mendoni dhe të thoni kemi shumë dëshirë për të bërë seks.